大肚婆原來唔係最靚 準媽媽徐若瑄狂生痘痘 徐若瑄,

有人話最靚嘅女人就係大肚婆，但你知我知，呢啲其實都係客套說話。真正嘅大肚婆，其實係徐若瑄（Vivian）咁嘅樣。

啱啱踏入40歲嘅Vivian，上星期喺facebook公布佗B喜訊，當時佢肚仔凸凸，氣色、皮膚尚算唔錯。但唔講唔知，原來佢因為懷孕關係，係咁生暗瘡。尋日仲上載大頭相俾大家睇，話自己痘痘多咗、黑眼圈又明顯咗、肚又大咗，總之成個醜樣晒。

其實呢啲都係懷孕嘅必經階段嚟嘅，Vivian應該慶幸自己係靚女，即使有少少瑕疵，打個七折，都依然係準索媽一個。