使乜驚！大肚官恩娜照踩4吋高踭鞋 官恩娜,

在


早前喺社交網站宣佈有咗3個月羊B嘅官恩娜，今日首次大住個肚出席活動。着住紅色鬆身裙嘅Ella好鬼精靈醒神，仲摸住個肚仔俾記者影相。

不過佢話之前一段時間好唔舒服，「反胃得好犀利，好似坐咗3個月過山車冇落過車嗰種感覺。」仲話唔舒服到捉住老公Domingo鬧，最後頂唔順睇醫生，「醫生話到咗十二、三週嘅時候就會好番。突然之間有日瞓醒真係好番，而家就舒服晒，變番好似冇事咁。」

一冇事就着對4吋高踭鞋出活動，喂，雖然你係鬼妹仔性格、老公又係中法混血兒啫，但BB緊要㗎嘛！都係小心啲好。