雞排妹被封殺 反咬電視台 雞排妹,鄭家純,

台灣性感女星雞排妹(鄭家純)，因為把口似生草藥咁係又噏唔係又噏，搞到神憎鬼厭，好多藝人話同佢同台會被down grade咁話，幾乎所有電視台都怕咗佢亂發言而封殺佢。不過雞排妹就跌落地揦番拃沙，大番電視台轉頭，話唔係電視台唔搵自己，而係自己唔玩啫。呢位小姐仲話電視台根本係一個俾藝人講大話嘅平台，見到藝人假笑，講啲根本冇發生過嘅嘢，覺得好唔舒服，自己唔要同流合污，所以俾多多錢都唔會上喎﹗敢言唔係唔好，只係山水有相逢呀。