3個月前，劉浩龍(師兄)同容祖兒去完日本拍拖返香港，點知師兄不忿有記者喺機場接機，起腳踢記者DV，冇品到爆！
據知呢件起腳事件，Paco嬲到震仲同佢照肺，咪以為佢會生生性性，點知今日佢又玩歧視，話說佢今日喺ig post咗張指甲綑黑邊嘅相，仲留言：「我頭先去食碗麵，對面坐咗位人(仁)兄隻手係咁嘅(當然要誇張小小(少少)啦)，我每食一啖我對眼嘅視線都要望到呢對咁污糟嘅手，我嘗試食多三啖，但係我真係堅持唔到我宣佈投降，走……」
佢身為公眾人物，嘥咗碗麵就算仲要寫埋啲咁涼薄嘅說話，搞到唔少網友都睇唔過眼留言鬧爆，叫佢學懂尊重！
