拍戲要開心 發哥片場開士多賣餐蛋丁 發哥,周潤發,





其他影片:>>






據美國財經雜誌福布斯講,發哥周潤發以年賺億四,喺2015全球收入最高男星排24位,財權交晒俾老婆,接戲唔問價嘅發哥,以「咁俾面!」一句撑咗出大西洋!

發哥話齋,拍戲已經唔係為錢,最緊要大家都有工開,仲要合作得開心!同《賭城風雲》班crew已經連續第三年合作,發哥發嫂今次仲俾錢喺片場開咗檔「發記士多」,有齊煑食架生同食材,又有罐頭零食,總之有飲有食,餐蛋丁又好,奶醬多又好,甚至炆牛腩㷛老火湯,全部都喺士多有專人搞掂,唔使叫外賣!

日日開工都有好嘢食,仲源源不盡供應,嗰啲錢,對發哥兩公婆嚟講唔算大數目,但一份心意,就加晒分!

講番轉頭,以發哥呢隻級數演員,分紅其實係基本條件,之前兩集《賭城風雲》喺內地夾埋收過十五億人仔,分紅條數,天文數字福布斯再權威,恐怕都好難計得準!
Related Posts Plugin for WordPress, Blogger...