扮得咁求其？強國無臂乞兒地鐵變裝
香港曾經出現過唔少扮傷殘人士坐輪椅叫人捐錢嘅騙徒，而「鄰近的經濟強國」就當然係「盛產」呢類專業騙徒啦，不過今次就「老貓燒鬚」喇，竟然出咗個未「學滿師落山」嘅。
網上近日就瘋傳一段短片，指有個正常男子假裝自己斷臂，再係北京地鐵入面行乞。不過呢個騙徒一睇就知係「業餘」或者啱啱「入行」，手法相當之唔專業，求其將隻手收喺衣服裡面，再打個結就算。
有網民就揭發呢個「無臂」乞衣由一名四肢健全嘅男子裝扮而成，佢先用手喺上衫內為一隻袖打結，之後再伸出雙手為另一隻袖子打結，唔使1分鐘就「變身」完成，係咪好神奇呢。有目擊嘅網民仲話，佢曾經喺車廂中公然將手伸出來，似乎想點算行乞後所得嘅金錢。
《壹》仔睇到呢段片嘅時候，都以為自己睇緊周星馳啲戲，連數錢都畀人睇到，點畀個飯盒你，精神啲，臨時演員都係演員嚟!
