【香港】：屯門打尖撞車 惡霸父子：講x咗賠錢啦！
各位駕駛人士都知，入停車場要排隊係常識吧？如果有人唔守規矩，想打尖，點知撞到人哋架車，道個歉都係常識吧？偏偏有一家三口唔係咁，打尖失敗結果又撞到人哋架，但落車就兇神惡煞，粗口橫飛，仲講打講殺！
件事發生喺尋日（1月3日）下晝，當各位駕駛人士，好有秩序咁排隊入屯門市廣場停車場，一架銀色七人車就想cut線打尖入，撞到人哋架車後，雙方就落車理論；不過呢一家三口就犀利喇，一嚟就瘋狂爆粗，「又唔x係爛x咗喎，咁x冇禮貌，你老xx真係，講x咗賠錢算x數架啦，仲x嘈！你入面有細路架嘛！係唔x係呀？」
