假單親陳自瑤湊女疲倦心酸（足本版） http://bit.ly/2xopFKd
明明有老公，不過通常見親陳自瑤，都係單拖湊女。又要拍劇，又要顧住頭家，佢攰到冇乜表情，忍唔住當街幫自己按摩呀！
話陳自瑤假單親，真係冇誇張，因為王浩信成日忙開工，依家仲同唐詩詠拍緊新劇。照顧個女嘅責任，就落喺YoYo身上。
王浩信之前講過多謝老婆對個女嘅付出，佢拍《致命復活》受傷嗰陣，仲話覺得自己好自私。不過講完之後，行動照舊，近年王浩信仲租多咗個地方搞工作室，收工會返私竇，比以前更少陪妻女。加上佢不時傳緋聞，舊年有蔡思貝，今年拍劇就傳同江嘉敏來往甚密。
其實幾年前，YoYo試過提出分手，當時王浩信狂發二千個短訊，最後令佢回心轉意。以前王浩信冇咁忙，亦會製造驚喜，為佢下廚，同埋自彈自唱情歌。
佢哋有好多甜蜜嘅過去，但係時候合力製造親密嘅未來喇！
立即下載Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app
來源 source: http://s.nextmedia.com