【慘過蓋世寶】改為part time員工 TVB御用管家61歲劉桂芳:我減了95%人工 _.,TVB,劉桂芳,蓋世寶,

二月底即將與TVB約滿嘅蓋世寶,公司要求減1/3人工至7千蚊,結果,佢選擇離開效忠咗23年嘅TVB,淚如雨下嘅真情剖白,得到好多人支持。原來,好似Lu ...


二月底即將與TVB約滿嘅蓋世寶,公司要求減1/3人工至7千蚊,結果,佢選擇離開效忠咗23年嘅TVB,淚如雨下嘅真情剖白,得到好多人支持。原來,好似Lulu咁被減人工嘅藝人大把,佢哋仲要慘過Lulu,唔係減1/3!資深演員劉桂芳,佢睇完Lulu喺壹仔嘅訪問,忍唔住喺Lulu嘅facebook度留言!

佢話:「我減了百分之95人工,好多人係咁,大概這是公司的計劃!」嘩,百分之95,差唔多係全份糧,點生活呀!

壹仔搵過劉桂芳,問佢有關減薪問題,佢只係話:「呢啲係公司好多員工都有咁嘅情形,佢話唔係叫做減薪,佢話改我哋合約,改晒我哋做part time喎,咁可以點同佢講吖?所以冇得講架呢樣嘢。你情我願佢可以叫你唔簽,咁我又唔想周圍走,咁咪由得俾佢減囉!」平時,劉桂芳等好耐都未埋位,或者山長水遠去到拍攝地點,結果係做大茄,佢都愛喺facebook度呻吓!話晒劉桂芳係TVB御用管家,好多人都係睇住佢做戲大,TVB竟然咁無情,減佢百分之95人工,真係慘慘豬。88年入TVB嘅劉桂芳,工作咗31年,換嚟今日減95%人工嘅結果,難得佢冇怨天怨地,請大家要記得佢,就係呢啲甘草綠葉演員,成就一套又一套嘅經典劇集,多謝晒!

相關新聞:

【底薪唔夠生活】御用衰人邵卓堯兼職揸的士 方紹聰揸貨車送貨 何君誠實踐蒙古開牧場夢

http://bit.ly/2NaIur1

【入行23年由主持做到變二打六】續約要減1/3人工 僅得七千 蓋世寶劈炮:真係夠喇!

https://bit.ly/2Budca7

【與湯盈盈 滕麗名係同學】39+1蓋世寶 離開大台再增值 學跳Sexy Chair

https://bit.ly/2DtKUMY

立即下載Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

相關新聞:【底薪唔夠生活】御用衰人邵卓堯兼職揸的士 方紹聰揸貨車送貨 何君誠實踐蒙古開牧場夢




來源 source: http://s.nextmedia.com