【前TVB綠葉十二年無加人工 離巢考慮做地盤】張松枝:唔返去拍喇 _.,TVB,張松枝,

張松枝呢個名大家未必記得,但見到樣就一定有印象,話晒佢喺大台做咗足足18年。不過,近年好難喺公仔箱見到佢,畢竟佢2012年已經離開TVB,過檔港視。當 ...


張松枝呢個名大家未必記得,但見到樣就一定有印象,話晒佢喺大台做咗足足18年。不過,近年好難喺公仔箱見到佢,畢竟佢2012年已經離開TVB,過檔港視。

當時人人都問佢做咗咁多年TVB,點解要離開呀?佢心悒指:「睇住一個大家庭因為制度,變成冰冷無感情嘅公司,同事間開始疏離有鬥爭,做得唔開心。」呢個係主觀感受,仲有客觀現實,就係12年無加過人工,就算曾經加過騷錢,但公司又會控制佢工作量唔俾佢出咁多騷,變相都係無加過。

打咗TVB 18年工,張松枝算得上係老臣子,面對咁嘅待遇,難怪就算港視不獲發牌,面臨失業無工開,但佢情願考慮做地盤、申請公屋,話:「唔會返大台拍喇,佢哋唔需要我㗎!」「我越做落去,越覺得自己無乜價值。」因為,TVB俾佢嘅角色,嚟嚟去去都係奸仔、前夫等等,仲試過搵佢做老臨講一句對白:「快啲還錢俾我!」灰機好正常。

有啲嘢真係唔到你唔信,船到橋頭自然直!發哥周潤發曾經鼓勵過佢,雖只係一句半句,但最後竟成為拍檔一齊做偽鈔,拍《無雙》。電影以外,港台同ViuTV劇集、網劇同大陸劇都不時有佢身影,都幾多渠道,唔使屈死一個台。吖!韓國電影都好似有佢份,咩咩「喪屍火車」男主角(認真便輸了)。

立即下載Apps,隨時隨地睇盡時政專題、深度偵查、娛樂熱話!按此連結: http://bit.ly/next28app




來源 source: http://s.nextmedia.com
Related Posts Plugin for WordPress, Blogger...