【冇份湊孫|婆媳關係麻麻】猷啟帶妻女搬離大宅 三太聞新抱扁嘴變臉 _.,三太,猷啟,

何猷啟做咗爸爸都咁秘密,相信同家庭壓力有關。超蓮亦講漏口風,踢爆細佬同弟婦已經搬咗出去住。超蓮話二人間中會返大宅,仲話細佬表明想過二人世界。雖然超蓮自 ...


何猷啟做咗爸爸都咁秘密,相信同家庭壓力有關。超蓮亦講漏口風,踢爆細佬同弟婦已經搬咗出去住。超蓮話二人間中會返大宅,仲話細佬表明想過二人世界。

雖然超蓮自稱同弟婦係好朋友,但不時放屋企人相上ig嘅佢,從未上載過弟婦嘅相。

就算弟婦已經嫁入何家年幾,但舊年三月,佢哋同三太、超雲慶祝生日,合照唔見弟婦。同年5月,佢同孖生細佬猷啟一齊慶生,合照亦冇弟婦份。

連家姐超雲嘅ig,弟婦都係冇影嘅。反而猷啟鍾意喺ig,同老婆放閃。

其實三太嘅布力徑大宅,室內面積大約有八千呎。就算猷啟生多幾個,地方都夠用有餘!

不過早喺17年尾,猷啟已經用6880萬購入西半山一個豪宅,實用面積大約千六呎,有四間房,可以招呼埋老婆啲大陸親戚,估計係佢哋一家三口嘅私竇。

冇得黐住個孫,難怪之前三太被記者恭喜佢娶新抱嗰陣,由本來心情好靚,突然變臉,冇晒笑容,仲扁晒嘴,相信佢真係有口難言,百般滋味在心頭呀!

立即下載Apps,隨時隨地睇盡時政專題、深度偵查、娛樂熱話。按此連結: http://bit.ly/next28app

相關新聞:【三太搶四太閘抱孫】何猷啟秘婚年多有11個月大B女 當街學行親買尿片




來源 source: http://s.nextmedia.com