【中學生集會】王喜擔心埋伏警察情緒上波動:對人係一種性命危險 _.,王喜,

反送中運動持續7個月,一向敢於發聲的王喜,今日到大埔出席以「無懼白色恐怖」為主題的中學生集會。首次出席同類型集會的王喜,來到現場時,看到眾人的裝束表示 ...






反送中運動持續7個月,一向敢於發聲的王喜,今日到大埔出席以「無懼白色恐怖」為主題的中學生集會。

首次出席同類型集會的王喜,來到現場時,看到眾人的裝束表示嚇了一跳:「我係有啲擔心係咪嚟錯地方,入到嚟見到蒙晒面、好似好重裝備咁,係咪會有事?因為集會去到最後唔知會演化成點。」他指因現時的香港警察任何時候身上都有致命裝備,加上不知道對方會在甚麼情緒下使用,故比較擔心:「點知個集會一陣會激起現場埋伏嘅警察情緒上有咩波動,我又勸阻唔到佢哋,佢又控制唔到自己,對於好多人係一種性命上嘅危險。」而王喜就指今次出席,主要會與大家分享一些「結構上」話題,希望在問題出現時,能幫大家思考如何處理問題。

提到林鄭昨日的答問大會,王喜未聽完即搶着說:「盡量唔睇佢,我想令自己每日過得開心啲,我已經撇開咗呢個人,雖然佢嘅決定、想法,會影響香港每一個人,但我盡量唔畀佢影響。」提到林鄭表示不接受警暴,王喜聽罷說:「唔緊要啦,我唔食榴槤我都接受唔到榴槤,但榴槤會唔會繼續販賣、受到大家嘅喜愛?我都控制唔到,即係你可以拒絕呢個世界,但呢個世界唔會畀你拒絕。」

對於早前他在社交網站中寸爆莊思明的借筆事件,王喜說:「唔關佢事,我唔係針對佢,我係針對啲喺飛機上借唔到筆但又會公開機組人員名單發佈嘅人,如果佢係其中一個就好可惜,但我相信咁嘅人唔係得一個,都有好多人係咁,所以我希望航空公司如果喺名單上見到有呢一類客人嘅話就主動提醒我改機票。」

採訪、攝影:栐仁

(攝影:栐仁、資料圖片)


王喜來到中學生的集會現場,見大家的裝束後,坦言嚇了一跳。


王喜坦言擔心集會現場埋伏的警察情緒,因不知道他們最終會令集會演變成怎樣。