其中一名目擊整個過程的許先生向《蘋果》透露，營內大約有百多名從內地返港的港人，主要以成年男子為主，每6人一間房，雖然營內設施整潔，亦有足夠的被舖供營友使用，但營內未見有醫生駐診，也沒有電視、報紙、電腦，三餐份量亦不足，有時有營友不夠飽肚，要求「添飯」，營內職員亦不為所動未有理會。
許先生指隔離營提供的三餐「仲衰過大陸」，份量嚴重不足，根本未能符合一個成年人一餐的需要，而且亦沒有提供飯單予他們選擇，要他們先到先得，「早餐得兩粒燒賣齋腸，淡茂茂，午餐晚餐就係茄蛋飯、雞髀飯、排骨飯，搭多兩條菜，個個都想食雞髀飯㗎啦，唔夠派大家咪要爭囉，搞到又嘈一大輪，最後又食唔飽」。
由於營內沒有廚房，他們亦沒有材料煮食，他只好向營內職員要求為他們購買額外食物，例如杯麵、麵包、牛奶等，但對方亦未有回應，「講真我哋又唔係犯人，又唔係叫佢哋買煙仔，只係話想買多少少嘢食，買少少補充品，等我哋肚餓時可以食下，點知佢理都唔理我哋呀」。他指這個情況已經持續多天，早前曾發生過一次小規模的衝突，營內職員才提供杯麵予營友。
營內的職員又安排營友在走廊位置取飯，而非派飯到他們各自的房門前，許先生直斥營方妄顧大家安全，增加感染武漢肺炎的風險，「呢度大部份人都係由大陸返落嚟先至嚟隔離，你叫大家去走廊拎飯，咪好容易交叉感染囉，好危險」。
患有末期大腸癌的許先生指自己在2月15日重慶乘搭飛機回港，由於他擔心自己有武漢肺炎，於是自願入住隔離營，惟他在機場等待10小時，衞生署都沒有安排專車接載他到檢疫中心，「我血壓高濕疹發作，最後入咗院兩日，之後出返嚟（署方）都係冇安排車，要我自己搭車去隔離營」。他指自己入住前曾到美爭、葵芳及旺角，之後自行搭車去西貢戶外康樂中心隔離營，「喺呢度基本人權都冇…真係慘過坐監」。
-----------------------------
【匿名港警爆大鑊】
韓國KBS時事節目《時事直擊：香港 被自殺》
立即按此
-----------------------------
你敢爆，我敢獎！ 立即致電：63836568
來源 source: http://hk.entertainment.appledaily.com