郭秀雲同前夫錢小豪生嘅仔龐景峰，最近宣佈進軍樂壇，今日佢就同韓星Kahi出席MV記者會。
為迎合K-POP市場，龐景峰積極減磅，染咗一頭金毛，連個樣都唔同晒，好似變臉咁勁，唔通？佢就解釋話︰「公司冇叫我整容，只係叫我減肥。好多朋友唔知我簽咗公司，話睇完造型照覺得我整容，我有解釋過，因為每朝7點要起身訓練，一定會瘦。」
龐景峰仲話每晚6點後唔食嘢，依家成功變靚話咁易。佢樣樣嘢都講得好簡單，改名換姓佢答得輕鬆，「我由細到大都係用Andrew，細個名用唔長，因為睇風水，自從14歲改姓就決定用景峰，用到依家。」就連改姓佢都話冇所謂，難為佢生父錢小豪，聽到真係喊得一句句。
