獨家高空直擊 尼泊爾男旺角揸菜刀鎅頸





其他影片:>>






尋晚半夜旺角上海街永盛大廈,一名尼泊爾男子懷疑同老婆感情出現問題,加上飲酒後情緒激動,手持菜刀喺平台來回踱步,情況危急,大批警員及消防員到場戒備,並封鎖相關道路。

該名男子突然喺平台角落,對住空氣攤開雙手痛哭,然後將菜刀放喺自己心口拍打,之後進一步將菜刀項住條頸,動作意識相當危險。

然後該名男子慢慢坐低,正當以為心情稍為平伏,點知突然用菜刀鎅自己前臂同手腕位置,鎅完三吓左手,再換邊鎅埋右手,連續鎅咗十幾刀,令到自己雙臂充滿鮮血,之後突然起身,將菜刀收喺後褲浪,走向靠近平台嘅電燈柱前,似乎想逃走,但可能佢考慮緊跳落去嘅可行性,諗咗一陣都無跳落去。

無幾耐佢又走番原位,再次用刀項住自己條頸,仲嘗試度位,情況令人擔心,不過該名男子有尋死嘅心,但無尋死嘅勇氣,只係抹吓刀鋒上嘅血跡。

但由於事件擾攘咗近十分鐘,大批警方已包圍大廈附近一帶,該名男子知道闖禍,進退兩難,於是又走到燈柱,攬一攬,停一停,諗一諗。

最後一躍而下跳落街,仲要拎番把菜刀出嚟逃走,好彩大批警察滿佈天羅地網,最後喺附近一間酒吧將佢制服並且拘捕。