同鄉會有著數 大媽大叔免費睇中港大戰





其他影片:>>






昨日中港大戰,香港獲配售二千多張門票,只佔總數8%。好多香港球迷大呻買唔到飛,但記者發現,入場的香港球迷當中,包括唔少大叔大媽和老人家。

他們是跟一個叫香港寶安西鄉同鄉會的組織入場,為數至少一百多人,他們雖然話撐香港隊,但就揸住五星旗,和一支「西鄉」的紅色旗幟。記者問他們是否唔使俾錢入場,佢哋就無答。呢班同鄉非常和平,保證唔會噓國歌,似乎係「自己友」維穩嘅重要勢力。

網上資料顯示,香港寶安西鄉同鄉會屬於香港深圳社團總會的團體成員,總會包括多名民建聯成員及新界鄉紳,例如:譚耀宗、張德熙、簡松年、梁志祥等人,曾出力反佔中,並在雨傘運動之後,舉辦青年國情研習班,非常活躍而且「紅」。

總會之下有近六十個分會,分布於深圳不同區域,大多數名字都有「香港」兩個字,除了今次入場睇波的香港寶安西鄉同鄉會,還有:香港布吉同鄉總會、香港深圳市龍崗同鄉會、香港大鵬同鄉會等,而較為人熟悉的是文氏宗親總會,主要是元朗新田一帶姓文的鄉紳勢力,新田正大搞水貨城,究竟背後的網絡有幾龐大,或者可以從一班同鄉身上搵到線索。