無綫照肺巧驚驚 龐卓欣補祝麥明詩奪冠 無綫,麥明詩,龐卓欣,





其他影片:>>






龐卓欣被問到係咪杯葛麥明詩,即時笑而不語,唔通講中咗又要話你知咩?佢唔止同麥明詩拖晒手扮friend,今日(4日)仲喺Instagram「再」一次恭喜出爐冠軍喎!

無論你係當選冇人祝賀,場面乾到要靠Do姐去化解,定係好似C朗咁俾人阻住入波,唔想慶祝;當你自己一個,都難免,多多少少有失落感,假若有人突然同你扮friend,就更加唔知點。班佳麗話就話冇玩杯葛,但過後祝賀麥明詩嘅,就只得3號羅丹虹,同埋…龐卓欣?

佢今日「再一次」,係「再一次」恭喜對方,加香吻一個,係真情定被照肺後「巧驚驚」?又網民就留言:「有心恭喜人,就唔係冷落人之後,先嚟post張相扮話恭喜」

真係要出「世事都被你看透.jpg」,皆因原先十個港姐,八個都冇祝賀呢個大熱冠軍,點知玩完「小學雞」杯葛被照肺後,龐卓欣即時up相「補祝」。