一、講件事要由伏線、前因、導火線去分析，係比較緊政治利益，永遠講唔完
二、講邊個先撩者賤就係小學雞玩泥沙，你當差打工係拉犯，見犯就拉，唔係嘅就唔好搞人
三、一概而論係好無知嘅做法，當晚有好警察係保護人時俾人丟磚頭，亦有傻撚左嘅警察去執起磚頭獎去丟返人，你讚人同屌人時你講緊邊個
四、宜家真係有人打緊警察，呢個係襲警係犯法
五、拉犯係執行法律，係彰顯法治，過程可以用武力，但你聲稱自己係專業就唔好唔跟指引，指引係最低武力，拉完再打係私刑，同我講你都係人，有感情嘅，咁唔該你同你同袍講對唔住，係你影衰你份職業嘅
六、開槍啱唔啱我唔夠資料判斷，但呢一連串決定係明顯唔理性，鳴槍示警係一回事，用槍指向人又另一回事，槍手開完槍後連同袍叫放鬆都做唔到，開嘅時候有咩目的？無其他方法達致同樣目的？開槍呢個方法預期有幾大成效？開完之後會否刺激到班施襲者再去攻擊其他人？
