5億駙馬慳住使 黎諾懿夫婦平食壽司 黎諾懿,







被冠以『5億駙馬』嘅黎諾懿,婚後同老婆林潔瑩繼續住大埔仔村屋,不靠老婆外家,早個禮拜兩公婆手拖手去厚德邨商場食平價壽司。

呢晚黎諾懿啱啱拍完《愛‧回家》,收工後即同老婆會合,去將軍澳厚德邨商場食晚飯。因為正係食飯黃金時間,兩公婆攞咗飛後,就企係食肆對面眼鏡鋪等位,一邊篤電話,一邊傾偈,大約等咗十五分鐘,就有位入得喇!

入到去坐底咗,李潔瑩仲掛住篤電話,黎諾懿就負責點菜,兩個人食咗一個多鐘頭就離開。食飽飯再轉去日本城睇家品,不過兩人走入去行咗一圈就走出來,之後去攞車返大埔仔屋企。
Related Posts Plugin for WordPress, Blogger...