亞視死得不明不白 黎燕珊:敗喺一個咁嘅人手上! 亞視,黎燕珊,







最新消息指行會決定不續牌俾亞視,牌照今年11月30日到期。亞視垂死掙扎咁耐,終於講拜拜,有人歡笑有人愁。 留守亞視多年嘅大家姐黎燕珊,感受最深,講到亞視冇得續牌,佢愈講愈勞氣。「悲慘、悲哀,其實大半估到呢個結局,我想講一句真係好唔抵囉!敗喺一個咁嘅人手上!落喺咁唔識做電視嘅人度,死得不明不白。呢排好多嘢唔開心,老竇又走咗,更加悲上悲。」喺亞視出身嘅佢,講到想喊咁滯。