擺明唔妥 陳瀅劉佩玥行街冇預陳凱琳 凱琳,陳瀅,劉佩玥,陳凱琳,







拍《四個女仔三個Bar》時,陳凱琳、陳瀅、劉佩玥、何雁詩四個成日一齊影大合照,做到好似好friend咁,不過陳凱琳硬撬陳瀅緋聞男友阿King林景程,搞到犯眾僧,就算同陳凱琳一齊選港姐嘅劉佩玥,都唔撐同期姊妹,睇來陳凱琳人緣真係麻麻。

呢日《壹》仔就係圓方見到陳瀅、劉佩玥一齊孖公仔行街,兩個好朋友到連著衫嘅顏色差唔多,要shopping之前,當然要high過Tea 叉下電,兩位見到《壹》仔嘅時候,仲笑笑口同我哋打招呼。

食飽之後就到超市試飲兼掃貨,見到《壹》仔仍然跟住,依舊冇黑面,兼有講有笑,係嘅!冇陳凱琳係度,心情係靚啲!