彤叔最愛日食肆重開 菜式唔就內地客

[熱爆show] 彤叔最愛日食肆重開 菜式唔就內地客






以高質素見稱的香港老牌銀座日本料理鐵板燒,曾經位於新世界中心洲際酒店地庫,擁有無敵海景,放煙花的日子要在銀座飯餐,請於一年前訂位。除了食物質素,位於酒店夠私隱,故受不少知名人士喜愛,發哥、星爺與不少商界名人亦是坐上客。而老闆彤叔(鄭裕彤)最愛就是拖羅,「鄭生最鐘意食拖羅,他每一次都明知故問,『 今日啲拖羅令唔令呀?』 跟住我地無人答他, 因為一定令。」 銀座CEO、亦是彤叔助手的黃秀瓊笑說。

2010年因新世界中心重建,銀座被迫結業,一年後於海港城港威大廈現址重新開業。然而由酒店遷往被強國人攻佔的海港城,客路大變,「之前我哋一直以來,都是非常非常傳統,包括員工的衣著,同事會穿著和服。 但現時就已經沒有再穿著和服了, 原因是穿和服比較優雅,而內地客人只你要求快。」強國人一坐低就要快,即時上菜,食傳統日本菜如食快餐。還試過有強國人Order冷麵,竟然不是將麵放入醬汁碗,而是倒轉,將醬汁倒在放冷麵的蓆上,結果一枱都係。不過黃秀瓊堅持,除了制服,不會因強國人的習慣而有大改變,反而希望有更多昔日的老主顧幫襯。