劉威煌雖然在大台一直撈唔起，不過佢最近娶咗做礦業生意嘅有米老婆Sandy，即時同大台解約，更與阿Bob間經理人公司簽約出碟㖭! 黎諾懿舊年同屋企坐擁5億美容生意嘅李潔瑩結婚，雖然《愛‧回家》7月就播完斷米路，佢仍然好豪氣咁話唔驚，有個咁大嘅後台果然係唔同啲! Mr.主音布志綸Alan舊年娶咗十億身家嘅「玩具富豪」陳明耀愛女陳雪瑩，轉個頭仲入住老婆九龍塘價值億半的獨立屋，升呢入豪門。 不過無論佢哋幾威都好，都唔夠神級千億女婿陳子聰，因為佢老婆就係賭王何鴻燊個女（何超儀），不過佢似乎唔係好滿意咁喎!