「診所低能奇觀」爆like 版主今夏再出書





其他影片:>>






「我是一個診所助護,人稱珍寶豬姑娘。如文章之經歷雷同,實屬巧合,絕非唱你!」去年7月成立的「診所低能奇觀」facebook專頁,專門分享私家診所騎呢見聞,短短10個月已獲13萬人讚好,版主「珍寶珠」搖身一變,成為facebook紅人。

版主「珍寶珠」是位80後女生,從事助護11年間,見盡病人離譜笑聞,最常見笑料是與病人雞同鴨講:「簡單到叫佢(病人)喉糖當糖含,佢都要問返你,含完要點?含完咪會溶囉!同病人講食藥每日兩次、早晚各一次,佢仲要問早晚即係要隔幾耐!」不過她直言,「離譜」事件已累積多年,「如果每日都係咁,我諗我死咗好耐!」

「寶珠」笑言,自己並無過人之處,只是過去從未有人寫醫護界八卦事,其專頁才會爆紅:「香港人最鐘意睇人x街,如果係想人地無咗份工梗係唔得,不過睇下傻豬事件就無傷大雅。」她說,近年港人投訴文化愈來愈盛行,曾有病人投訴醫生不笑、醫護人員戴口罩是「歧視」病人,甚至有綜援戶要求醫生義診,令她時感氣餒。

「診所低能奇觀」捧場客甚多,原來自去年成立專頁後,「寶珠」已獲出版商「睇中」,將其文章結集成書;「寶珠」透露,現正忙著籌備第二本新書,有望於今夏七月出版。