手拖手對劇本 William暗撻「翻版趙薇」遭阿Sa飛起? 阿Sa,趙薇,蔡卓妍,







尋日驚傳阿Sa同陳偉霆經已結束5年情,分手原因眾說紛紜,有人話係女尊男卑冇好結果,有人話係因佢哋聚少離多,感情難以維繫。其實呢啲都係表面原因啫,有指真正嘅導火線,係William另有新歡。

近日傳佢撻着內地女星趙麗穎,兩人因合作新劇《蜀山戰紀之劍俠傳奇》而日久生情,除咗喺一幕激吻戲中假戲真做,拍足三粒鐘外,仲喺片場旁若無人咁手拖手對劇本㖭。而我哋發現二人成日合照放微博,又周不時喺片場耍花槍,關係認真不淺囉。唔知係咪阿Sa知道咗,所以提出分手呢?