903嘅DJ Donald，幾年前結婚搵嚟一班白兵、黑武士助興，身為星戰粉絲，今次星戰舉辦「午夜首賣」活動，佢又點會唔參加呀？
今次活動名叫「Force Friday」，由凌晨12點開始，大家就可以喺玩具反斗城搶購最新嘅星戰限量版玩具同紀念品。 雖然揀喺凌晨開賣，時間真係「責使」啲，但仍然吸引到超過500個粉絲出動，有部份更喺開賣前14個鐘頭已經排定隊。
大會唔止齋賣商品，喺開賣前更搞咗個「倒數派對」，大家齊齊迎接「Force Friday」嘅來臨，亦都算係慶祝星戰電影回歸，為12月上畫嘅《星球大戰：原力覺醒》做勢。現場除咗有小遊戲送獎品，仲有黑武士同白兵，淨係影相都有排影呀！
場面咁墟冚，究竟有咩好賣？激光劍玩具呢啲咁經典嘅當然有啦，連新奸角Kylo Ren嘅激光劍都有得賣，大大碌型到爆！除咗劍同模型，現場仲有唔少高科技產品，例如呢個不倒翁機械人，係用電話做遙控器架！星戰粉絲見到咁多新嘢，點忍手呀？一於買、買、買！
除咗DJ Donald、朱薰，連演員歐錦棠，都有以嘉賓身份到場，身為星戰粉絲，又點會齋企講兩句嘢就算吖！當然要先搵大會嘅黑武士、白兵玩Selfie，再豪買限量版玩具，唔好蝕！
早前為咗宣傳電影，先搵嚟李治廷拍廣告，喺銅鑼場一個商場入面狂揮激光劍，勁有電影feel，今次賣玩具又咁好反應，距離聖誕檔期仲有啲時間，唔知會唔會再有宣傳活動呢？星戰粉絲敬請期待呀！
今次活動名叫「Force Friday」，由凌晨12點開始，大家就可以喺玩具反斗城搶購最新嘅星戰限量版玩具同紀念品。 雖然揀喺凌晨開賣，時間真係「責使」啲，但仍然吸引到超過500個粉絲出動，有部份更喺開賣前14個鐘頭已經排定隊。
大會唔止齋賣商品，喺開賣前更搞咗個「倒數派對」，大家齊齊迎接「Force Friday」嘅來臨，亦都算係慶祝星戰電影回歸，為12月上畫嘅《星球大戰：原力覺醒》做勢。現場除咗有小遊戲送獎品，仲有黑武士同白兵，淨係影相都有排影呀！
場面咁墟冚，究竟有咩好賣？激光劍玩具呢啲咁經典嘅當然有啦，連新奸角Kylo Ren嘅激光劍都有得賣，大大碌型到爆！除咗劍同模型，現場仲有唔少高科技產品，例如呢個不倒翁機械人，係用電話做遙控器架！星戰粉絲見到咁多新嘢，點忍手呀？一於買、買、買！
除咗DJ Donald、朱薰，連演員歐錦棠，都有以嘉賓身份到場，身為星戰粉絲，又點會齋企講兩句嘢就算吖！當然要先搵大會嘅黑武士、白兵玩Selfie，再豪買限量版玩具，唔好蝕！
早前為咗宣傳電影，先搵嚟李治廷拍廣告，喺銅鑼場一個商場入面狂揮激光劍，勁有電影feel，今次賣玩具又咁好反應，距離聖誕檔期仲有啲時間，唔知會唔會再有宣傳活動呢？星戰粉絲敬請期待呀！