徐州美甲店兩女互扯髮 途人齋食花生





其他影片:>>






隻揪嚟講呢,就要睇吓係男同男打、男同女打,定女同女打喇。男同男打,通常就拳拳到肉,吓吓打頭;至於男同女打呢,男嘅一般就會兜巴摑女,女嘅就起飛腳;而女同女打,就一定離唔開「扯頭髮」呢吓絕招。

上周三(9月2日),內地網民「小婊砸avi」就喺微博度po咗段打交片,事發地點係徐州一間美甲店,兩個「美女」初初都係郁吓手摑嚟摑去,但打咗一陣都分唔到勝負,就惟有出「扯頭髮」呢招囉!

勢估唔到嘅係,你「扯頭髮」時我又「扯頭髮」,咁又點分到勝負呀?其他內地網民就留言鬧圍觀者,「二個人打架,一個人勸,五個人拍照,十個人圍觀」、「這麼多豬看熱鬧,也不知道拉一下,也許下次就看你熱鬧」、「只要一扯頭髮打架就停止了」、「要是我勸架的話我就說:在誰不鬆手我可就要剪誰的頭髮了」、「腿長就是好,隔得老遠人沒到腿就飛過來了」。