【豬年下嫁〡做彩豐行老闆娘】屋邨港姐陳庭欣 俾億萬男友確認地位 拖實返豪宅 _.,港姐,陳庭欣,

恭喜!恭喜!睇嚟踏入豬年第一單喜事,就係陳庭欣Toby同過億身家嘅彩豐行老闆Benny(楊振源)結婚喇!早前,Toby以老闆娘姿態陪實Benny出席化 ...


恭喜!恭喜!睇嚟踏入豬年第一單喜事,就係陳庭欣Toby同過億身家嘅彩豐行老闆Benny(楊振源)結婚喇!早前,Toby以老闆娘姿態陪實Benny 出席化妝品協會周年晚宴,雖然拍拖未夠一年,但係Benny已確認佢嘅地位。由開始拍拖到而家,Toby同Benny一直都有啲避忌,直到近日傳出佢哋會喺豬年結婚,二人終於唔介意公開放閃喇!呢日壹仔見到佢同未來老公仔Benny出街拍拖,係好高調咁拍拖,唔似以前好避忌! 無化妝嘅Toby戴住Cap帽同benny拖到實,仲邊行邊傾,兩個幾乎全程都十指緊扣住,好sweet!見toby笑到四萬咁口,就知佢夠晒幸褔佢哋會合咗兩個Friend,見Toby同個朋友傾得好開心,又拖實手,又搭膊頭。但Toby都無冷落Benny,玩咗陣就自動自覺返去拖返實男友,又再十指緊扣,真係閃到爆呀!睇完戲,佢哋就一齊返Benny天璽屋企慢慢玩對於做豬年新娘,Toby就話:「大家有講過結婚呢個話題,佢有問過我結婚想點搞,但我好傳統,一定要跪地求婚先得!」跪地求婚呢個要求好easy,大家等Toby公布好消息

攝錄:陳亦龍

立即下載Apps,隨時隨地睇盡時政專題、深度偵查、娛樂熱話!按此連結: http://bit.ly/next28app

相關新聞:【獲狼人Hugh Jackman探班】入行9年 陳庭欣最威唱過《大娛樂家》主題曲 http://bit.ly/2HOfgPN

相關新聞:【獲狼人Hugh Jackman探班】入行9年 陳庭欣最威唱過《大娛樂家》主題曲




來源 source: http://s.nextmedia.com