今日的李彩華，有事業又嫁到好老公，回望過去，十五歲初出道，她本來是個開心女孩。當時做模特兒的她，已經有六位數字收入。直至爸爸生意失敗，由她負起共七位數字的債務，人生從此不一樣。
「欠債新聞一出，經理人公司仲偷偷雪藏我，還債已經成為屋企負擔，繼而之後同公司解約，又要賠錢，真係雪上加霜。我記得當時正值沙士時期，好多人冇嘢做，有一個音樂會，喺為香港人打氣，全部藝人都有去，我竟然留喺屋企睇電視，我當時真係好心酸。就算拍劇，連服裝姐姐都白眼，我問佢攞一對拖鞋，佢同我講搵唔到。到另一個而家已經係天后級嘅演員問佢攞，佢又話有喎。」Rain表示幸好當時遇到她的恩人，前經理人公司的趙小姐，她覺得Rain有條件，於是先墊支數十萬替她解約，然後在工作中扣除。公司更開劇給她做女主角，《昭君出塞》令她在內地開始打響知名度。
以為從此一帆風順，不過自從她拒絕陪人去旅行的潛規則，工作量減少。
「即係有人問佢，叫佢傳達畀我知。就算自己點窮，都從來無諗過要做呢潛規則。」她說。
之後又重回人生交义點，當沒有工作時，她開始計劃離開，更認為自己入錯行，完成手上的工作，她決定就此退出娛樂圈，加上當時男朋友突然提出分手。
「我好傷心，佢同我食完飯，唱完K後，趁我喺內地開工，就SEND短訊話同我分手。我當時喺開工車狂喊，助手係咁問我發生咩事。」她說。
不過，是福不是禍，她將傷痛情緒帶入角色，演技大爆發，孭飛演出的電視劇大受歡迎，成為當年收視最高劇集。
她說自己反而有所領悟，不要為失去傷心，反過來可能這是更大收穫。她說現在有好老公，父母可以真正享福，自己覺得一切都是值得。
立即下載Apps，隨時隨地睇盡時政專題、深度偵查、娛樂熱話！
按此連結： http://bit.ly/next28app
【婚後頭一個月】李彩華自爆同11億富商老公一半時間分開住：見面時嗰份愛更澎湃
https://bit.ly/2T8KD7T
來源 source: http://s.nextmedia.com