向來甚少回應緋聞的馬國明，終於要爆喇！他今日回覆傳媒時直斥傳聞好無聊，揚言不想再跟陳思銘名字扯在一起。他說：「之前傳（與詩詠拍拖）都冇人問我，感覺得啖笑，但而家傳到有啲過份。首先我係唔認識姓陳呢個人，唔知佢哋（詩詠與陳思銘）咩關係，好唔想我個名拉埋一齊講，話我係第三者！」
馬國明表示阿妹從來未有介紹陳思銘與「鐵馬家族」認識，他說：「我哋聚會都唔會提大家感情事，阿妹一直都冇帶呢個男仔出嚟，我哋嘅話題亦從來冇呢個男仔，冇見過面，我點解要向佢爆粗呢？」
另有報道指詩詠懷孕，她與馬國明焗住出來認愛，他續說：「其實而家寫到亂晒，仲令人誤會經手人好似係我咁，希望傳媒高抬貴手，我唔係鍾意做新聞嘅人，向來唔多理緋聞，無傷大雅都唔理，但今次真係傳到過咗火位。聽聞佢（陳思銘）係網上作家，我唔理解佢嘅網上文章，但真係唔想再同姓陳嘅拉埋一齊寫，佢哋嘅事要問番我個妹（詩詠），冇嘢再補充。」
問到將來與詩詠見面會否有避忌？馬國明說：「冇避忌，其實之前我生日都係8、9人一齊慶祝，唔知點解會傳到得我同阿妹、蕭正楠同翠如4個人食飯，越傳越亂。總之就唔好再將我個名再同姓陳嗰個人寫埋一齊，希望件事快啲平息，好多謝大家咁關心我嘅感情生活，唔需要大家關心，隨緣」他透露即將開拍新劇《BB大晒》，希望專心拍好劇，笑言：「而家都冇劇出，到我部劇出先再傳啦。」至於唐詩詠和陳思銘則一直未有回覆。
-----------------------------
第三屆最港電影大獎
按此立即投票
-----------------------------
《果GYM》隨身播 健身壹App過！
一按即玩
來源 source: http://hk.entertainment.appledaily.com