59歲戴志偉和太太結婚多年，兩名兒子亦都大學畢業，原本一家和睦恩愛，但近日卻被揭背妻偷食年輕女同事Candy，大享齊人之福。戴志偉於2011年放棄演藝事業，離開無綫專注保險工作，現職AIA分區經理，忙碌工作之外，還要盡老公職責兼管接管送，又和第三者Candy浪漫行淺水灣，確是分身有術。
由於戴志偉被揭背妻偷食後未有回應事件，故今日有大批傳媒在其寓所外等候，早上大約11點半，他在馬鞍山區的寓所駕車外出時，受到多間傳媒的追訪，他將車駕至對面屋苑的銀湖天峰避車處時，戴志偉隨即下車，並情緒激動爆粗：「X你XX，我報警，做乜跟住我呀?做乜嘢先?你哋係咁跟住我做咩呀?」
戴志偉全程無戴口罩，卻不斷放聲高呼，多次走近記者身前，口水四濺，當記者要求和戴志偉做訪問，他情緒依然激動，爆燥地說：「我唔傾呀，你哋咩人嚟㗎?喺度搞我騷擾我。」他隨即在車內拿出手機反拍傳媒及採訪車，繼而再說：「你哋咩記者?畀個證我，我報警，告你哋滋擾，X！你哋咁樣做人，有冇搞錯，香港人，點解咁衰，畀個樣我，你係咩記者?」
他不停重複問記者是甚麼人，同時又在現場不斷拍攝，又指記者是假冒的，要報警拉人，跟而又反問：「我而家做錯咩事，我得罪你哋乜嘢！」他在避車處擾攘了一輪後報警，大約十多分鐘後，警員到場登記雙方個人資料後便放行，之後戴志偉倒駕車離開現場。
採訪、攝影：黃曉程、張明
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com