【影片更新】
唔少星二代遺傳父母嘅演藝細胞，細細個已經好有表演慾，隨時準備入娛樂圈咁款！
鍾鎮濤4個仔女之中，囡囡鍾懿同佢合作最多，由佢5歲開始錄歌，兩父女更試過合唱新歌拍MV。阿B都曾經讚個女唱歌有職業水準、記歌詞快、聲線又穩定，每次錄歌必定喺3小時內完成咁話。雖則鍾懿未正式入行，但佢已經好似唔少藝人咁，將平日起居生活嘅相，放上網同大家開心share。
尋晚（21日），鍾懿同阿B父女出活動嗰陣，佢仲公開叫大家follw佢個帳戶。其實11歲嘅佢，唔止唱歌了得，就連擺甫士都好掂。佢每次放相上網都表情多多，仲會自己製造話題，人仔細細已經有二千幾個fans喇！
