14年前阿舜處男登台玩扭腳，點知俾江華狠評。到14年後，娃娃舜比以前扭得更精彩，但江華睇完唔單止多次失笑，仲串爆娃娃舜走音，乜真係唔覺得佢進步咩？
江華回應：「嗯......（靜默五秒再失笑）佢呢......其實你睇到佢呢......依然仲係走音囉，依然仲係高音唔到囉！佢係比以前成熟咗嘅。」記者問：「個樣成熟咗？」江華：「（又失笑）個人成熟咗嘅，企出嚟表演都淡定咗，冇以前咁騰騰震，但如果真係表演，就搵個老師學吓唱歌先......（繼續狠評）嗱，仲有一個問題喎，有啲人真係唔知自己走音架，咁嗰啲人就閉啲嘅。咁所以真係去搵個老師，測試吓自己係咪唔識聽走音先，最低限度要咁。」