寶馬冇品泊正路中心 塞爆皇后大道中

其他影片：>>

揸寶馬，落中環，就咁睇就完全係身份嘅象徵，不過，真係大晒咩？

就係呢架白色寶馬，成架車就咁停咗喺皇后大道中陸海通大廈對開，奇就奇在，司機就冇影，但係女乘客就喺車入面。

停正喺馬路中間，後面架大貨車想過都冇得過，車龍就塞到無盡咁遠。

好喇，塞咗一輪，司機出場喇，嘩，佢真係人急佢唔急，仲施施然喺車尾箱擺嘢，俾人鬧果時，仲大哥咁款學人還口添！

睇落斯斯文文，原來就係敗類一名，呢啲咁嘅司機認真冇品！