徐若瑄囝囝李v寶，13號係新加坡出世啦! 醫生同媽咪話要撐到28周，不過媽咪一直都好努力，撐到去32週，我依家有4磅4重㗎!
真係恭喜晒徐若瑄! 單係睇佢係FACEBOOK講嘅懷孕過程，認真替佢辛苦! 依家李v寶順利出世，難怪徐若瑄眼泛淚光㗎! 40歲嘅徐若瑄，因為胎位太低嘅問題，一直都要臥床，日常飲食、洗頭乜都要係張床上面搞掂，仲要全程搵人服侍，又要經常打安胎針，搞到成隻手都係針窿! 莫講話生過嘅媽咪，就連未生過嘅人，都戥佢辛苦!
不過，母愛係偉大嘅，徐若瑄為咗BB，每日都自我安慰，仲講明就算打多100支安胎針都好，一定要撐到32週。能夠挨到B仔順利出世，徐若瑄終於可以鬆一口氣啦!