壹仔經過尖沙咀天星碼頭，睇本地年輕人夾band，水準絕對好過旺角行人專用區批大媽唱《小蘋果》。爆哥見到其中一個後生仔，表演外國好流行嘅beatbox，途經嘅觀眾都好enjoy，跟住佢個beat扭動pat pat。
原來呢個後生仔仲讀梗中學，洋名Airsie，壹仔同佢傾偈，先知佢家境麻麻，一人住喺尖沙咀唔夠一百呎嘅劏房，而佢爸爸就住喺隔離劏房，日常生活都係由自己搞掂，beatbox就係佢唯一嘅嗜好，佢話：「喺youtube自學，然後膽粗粗去碼頭表演。」佢話每次演出，都有數百元來自觀眾嘅打賞，夠佢買beatbox裝備同埋食飯喎。壹仔去過佢屋企，真係連窗門書枱乜都冇，佢只可以喺床上做功課，但爆哥好欣賞佢人窮志不短。
原來呢個後生仔仲讀梗中學，洋名Airsie，壹仔同佢傾偈，先知佢家境麻麻，一人住喺尖沙咀唔夠一百呎嘅劏房，而佢爸爸就住喺隔離劏房，日常生活都係由自己搞掂，beatbox就係佢唯一嘅嗜好，佢話：「喺youtube自學，然後膽粗粗去碼頭表演。」佢話每次演出，都有數百元來自觀眾嘅打賞，夠佢買beatbox裝備同埋食飯喎。壹仔去過佢屋企，真係連窗門書枱乜都冇，佢只可以喺床上做功課，但爆哥好欣賞佢人窮志不短。