「當時好多謠言，有話我返咗去，又話我唔知去咗邊，其實我係返咗新加坡，因為我喺07年開始情緒低落，所以都用咗兩年時間睇醫生。」韓君婷說。當年有情緒病的韓君婷，在港時大部分時間都收埋自己，在新加坡居住的父母和哥哥，就叫她返去養病。
事實，她在17歲時離開新加坡到香港發展，多年來一直一個人生活，回去跟家人一起，她感受到難得的親情，更明白到家人是她的後盾。不過四年半後，她自覺仍然很掛念香港，於是決定回港重新出發，她說：「咁多年無見朋友，行內同事，有少少擔心以前嘅感情仲喺唔喺度呢，但好彩我係大笑姑婆，好多時見到佢哋，都會好興奮咁撲埋去，又會擁抱，又會好開心咁傾偈。」未幾，韓君婷媽媽亦表示要回港跟她一起，她說：「媽媽七十八歲，喺新加坡一齊生活咗四年幾，之後都有香港、新加坡兩邊走，最後一年佢提出話想嚟香港陪吓我。媽咪本身甲狀腺有問題，同時患有肺癌，而且骨質疏鬆好嚴重。話想返嚟陪我，我話好呀，快啲返嚟陪我，我心裡面覺得時日無多。」
為要有更多時間陪媽咪，韓君婷決定辭職，兩星期後，媽咪入院，在醫院三星期離世。
「我諗每個人失去媽媽都會好傷心，我話畀其他人知，佢哋都會問點解我唔喊，我其實每一日都好想喊，但我諗媽媽會希望我笑。諗番起呢一年放工返屋企，見到媽媽都好開心，佢又會煮飯煲湯，又或者嗰晚想出街食飯，又會拖住佢慢慢行。有時又會嗌交。」她回憶。
韓君婷一直想擁有自己的家庭，她認為初戀男友可以交託終身，但可惜對方在02年肝癌過世，到第二個男朋友又未能成功
她表不會強求：「其實本身已經有一個家庭，只不過遺忘咗。」
立即下載Apps，隨時隨地睇盡時政專題、深度偵查、娛樂熱話！按此連結： http://bit.ly/next28app
相關新聞:【跌崩鼻後三年先敢處理】韓君婷剖白：望住塊鏡問自己可唔可以生活落去？仲唞到氣
https://bit.ly/2SC6toU
來源 source: http://s.nextmedia.com