2月14除咗係情人節，亦係網民發揮創意嘅日子，例如將《紅日》改詞為《眼紅日》，連李克勤都讚好。此外，網上更有個「辦公室女同事收花大賽」，直擊住「人妻女同事連中兩元收兩紮花應該『帽』事」、「80後女同事收花被70後女上司寸咗成個下晝」、「女友無花收塊面黑過燭光晚餐個環境」等等，相當精彩。
其實無比較就無相害，而且花唔一定要人哋送嘅，作為有經濟能力嘅女士，都可以買紮花獎勵下自己㗎嘛，好似林憶蓮咁，鍾意咩花可以自己揀自己買，就算男友恭碩良唔送都唔代表唔愛㗎，一樣可以過住幸福肥嘅生活，搞到腩凸凸。
自從2017年成為內地歌唱綜藝節目嘅搶手貨，林憶蓮未到豬年已經豬籠入水賺到笑，2018、2019年開始放軟手腳減少商演歎世界，林憶蓮有少少發福一啲都唔奇。
立即下載Apps，隨時隨地睇盡時政專題、深度偵查、娛樂熱話！按此連結： http://bit.ly/next28app
來源 source: http://s.nextmedia.com