被轟帶兩歲女電鬈頭髪 羅敏莊發聲明反擊 羅敏莊,

其他影片：>>

羅敏莊日前帶埋兩歲女陳禛出席活動，兩母女都以一頭鬈髪行騷，搶晒全場鏡。羅敏莊仲將當日行騷嘅相放上微博晒溫情。

不過有網友就鬧羅敏莊唔應該帶個女去電鬈頭髪，仲話搞到佢個女好失童真㖭！

其實負評唔多，但牽涉到子女嘅嘢，羅敏莊火都嚟，佢喺微博出po話：「鄭重聲明，本人女兒是天生鬈曲，從未沒有用任何化學物品燙髪，只是我崇拜她配合她去電自己的頭髮，在此不想被誤會，謝謝！」