尋日爆出嘅大牌檔一萬蚊埋單事件，案中40幾個學生去位於沙田嘅大牌檔(德記沙田雞粥)，埋單近萬元。當中有份食飯嘅馮姓阿sir，將部分餸菜、單據放上網，向呢間食店嚟個網絡公審。據知嗰晚食飯嘅同學仔係科大划艇會成員，當日佢哋比賽完之後去食飯，唔通真係咁擦得？
尋日本刊搵嚟食店吳老闆訪問，佢就澄清舖頭絕對冇搵笨，仲將全晚嘅餸菜逐一數出嚟，為自己平反。事件發生之後，熱爆網絡，有網民指呢間係黑店，信譽一向麻麻。另外亦有指學生哥唔知米貴，每人食200幾蚊好正常，加上當晚食成154碗白飯，驚人食量埋單萬元都唔奇。
正喺大家計算40幾個學生哥，點能夠食154碗白飯之際，啱啱就有網民公開呢大堆飯碗嘅相片。呢張相中枱面有20幾戙飯碗，極度壯觀，而咁啱得咁蹺，相中同學仔正着住印有科大划艇會嘅衫，唔通就係食店吳老闆所講嘅154碗白飯！
【相關影片】 大排檔一萬蚊埋單事件 店主吳老闆開腔平反：唔係呃X佢
http://bit.ly/1CmlYnB
尋日本刊搵嚟食店吳老闆訪問，佢就澄清舖頭絕對冇搵笨，仲將全晚嘅餸菜逐一數出嚟，為自己平反。事件發生之後，熱爆網絡，有網民指呢間係黑店，信譽一向麻麻。另外亦有指學生哥唔知米貴，每人食200幾蚊好正常，加上當晚食成154碗白飯，驚人食量埋單萬元都唔奇。
正喺大家計算40幾個學生哥，點能夠食154碗白飯之際，啱啱就有網民公開呢大堆飯碗嘅相片。呢張相中枱面有20幾戙飯碗，極度壯觀，而咁啱得咁蹺，相中同學仔正着住印有科大划艇會嘅衫，唔通就係食店吳老闆所講嘅154碗白飯！
【相關影片】 大排檔一萬蚊埋單事件 店主吳老闆開腔平反：唔係呃X佢
http://bit.ly/1CmlYnB