莊思敏接拍安全套廣告，榮升「Condom女王」，以為佢係想挑戰自己玩突破，點知原來係因為炒燶股票要填氹呀！
有報導大爆貴為大馬拿督個女、家住山頂嘅莊思敏，因為炒燶股票輸咗成二百萬咁多，搞到要接拍安全套廣告填氹。莊思敏直認依家冇乜現金揸手，亦都係因為輸咗股票先考慮接呢個廣告，仲話酬勞好吸引添。
本身二百萬對拿督女嚟講應該係小數目，但莊思敏向來搏殺，又唔想使屋企錢，所以自己輸嘅錢都想靠自己搵番嚟。
今次佢同趙勁皓King拍住上，當中有唔少齋著內衣喺床上肉搏嘅畫面，不過阿King就唔認有生理反應，話自己係有少少緊張啫，咁都正常嘅，34D喎，少啲定力都唔掂呀！