周嘉儀書展激罕背心 追擊惹火羅霖
【香港書展2O15之C Cup比拼】一年一度書展將於後日殺到埋身，半百的「美魔女」羅霖除力抗台灣的雞排妹及黃榕等一班肉女外，原來32歲無綫前新聞主播周嘉儀也挾33C上圍加入戰團，在陳偉成等四肌男的健身書中以誘人小背心熱褲登場，令寫真大戰火速升溫。決戰前夕，羅霖昨日舉行發佈會，除50個不同誘人造型大晒冷及出動家人撐場大打溫情牌外，羅霖一襲中門大開噴血紅裙，戰鬥數值去到百九幾萬！
■33C周嘉儀ＢＢ罕有地以小背心熱褲拍照，以健康look力撼半百羅霖。
羅霖以半百之齡、34C上圍今年首次推出寫真《Timeless》殺入書展，本來憑corset、泳衣等噴血造型先聲奪人，豈料後日書展開鑼前夕突然殺出勁敵，被視為宅男女神的無綫前新聞主播周嘉儀，以33C上圍加入戰團，在周秀娜舊愛陳偉成等四位肌男推出的健身書《G.Y.M.動起來》中客串做運動示範，罕有地以誘人小背心現身，以健康運動look跟性感羅霖抗衡。
【玩波波】■肌膚白滑的周嘉儀跟內地男模姚淇瀚玩健身球運動。
【俾仔撩】■陳偉成（左）及黃俊豪等推出的健身書中，請來周嘉儀分享運動心得。
中門露胸墊
面對各方勁敵的羅霖，昨日於尖東帝苑酒店舉行寫真記者會，寫真集50個造型一次過大晒冷，羅霖三名兒子和媽咪也前來撐場，好友李思捷、張致恆女友莊端兒等也有出席。羅霖一襲中門大開紅裙惹火非常，但拍照時卻不慎露出胸墊。大會公佈羅霖三千本寫真第一版全部沽清，羅霖並加盟理想天映公司任娛樂總監，未來製作演唱會及開拍微電影等。
■寫真集中羅霖毫不吝嗇地展示惹火34C身材，噴血度十足。
【賣溫情】■羅霖昨日舉行寫真集發佈會，三子與媽咪（左）齊齊撐場，令她大為感動。
【開中門】■穿大開中門紅裙現身的羅霖，戰鬥力十足。
■造型中，羅霖還戴上頭飾扮玉兔。
■羅霖指兒子不喜歡她的性感照，但就大讚她身材好。
羅霖受訪時說：「最開心一家人嚟支持，好感動。」三名兒子昨日才正式見到寫真真身，問到兒子有甚麼意見時，羅霖說：「佢哋唔係好鍾意我性感嗰啲，不過問佢哋我身材OK唔OK，啲仔答好OK。」可擔心𡃁模繼續單打？她說：「唔擔心，我經歷咁多，乜嘢言語我都唔驚，俾人詛咒嘅說話我都聽過，不過單親媽咪條路唔易行，所以藉此支持單親媽媽。」說話至此她開始哽咽，但還是強忍淚水展露笑顏。
採訪：唐如、卓寶花
攝影：陳俊強、陳慧安
■莊端兒以大低胸裝撐羅霖，但揚言未有資格效法羅霖出寫真。