阿B帶女遊荔園 教掟香口膠秘技
現年62歲的「美魔男」鍾鎮濤（阿B）想當年精力充沛，經常遊荔園玩樂，闊別18年，荔園今日在中環重開，阿B昨日一拖兩女進園享受家庭樂，大玩掟階磚及餵大笨象，三父女玩得興起，阿B還自爆當年在荔園打band做替工辛酸史。
港人50年代最愛到荔園耍樂，時移世易，香港先後出現海洋公園和迪士尼不同主題公園，荔園97年結業後成為港人的集體回憶，邱德根幼子邱達根為圓亡父遺願，在中環新海濱重建「荔園Super Summer 2015」，並於今日黃昏6時開幕。現年62歲的美魔男鍾鎮濤想當年在荔園留下不少足迹，他昨日搶先帶同與范姜素貞所生的兩個女兒、即將11歲的鍾懿和5歲胞妹鍾幗入場玩番轉，重拾昔日回憶。
■阿B昨日與11歲的鍾懿（左）和5歲鍾幗遊荔園，兩女玩恐龍屋最投入。 攝影：葉君海
【教掟磚】
■阿B出茅招讓幼女鍾幗站上階磚掟硬幣，結果成功獲獎。
【動物球】
■三父女還到了吹脹動物園，欣賞得意氣球造的動物。
被大象嚇親
阿B表示荔園最難忘是掟階磚，故他與兩女馬上試玩，幼女鍾幗高度不夠，所以總是掟不中，阿B即出茅招抱兩女站到階磚上玩遊戲，父女拍檔贏香口膠。其後三人行往餵假大笨象，鍾幗看到仿真度極高的一比一大笨象時，最初不敢行近，稍為定神才向大笨象拋假香蕉，結果他們都贏得香蕉咕𠱸，捧着笑不攏嘴，但最令鍾懿和鍾幗玩得投入是滑稽恐龍屋，兩姊妹更大瀡滑梯。
阿B三父女玩轉荔園後受訪時說：「荔園真係好多回憶，去到拋香口膠嗰度（即掟階磚）就知道，以前掟香口膠其實好難中，有啲蹺妙，唔好就咁瀡出去，要拋高撻落去，我哋會將口水黐喺銀仔度，中咗就唔瀡。」阿B還爆當年會入園頴銀：「荔園有打band，我去過做替工，佢哋要求唔高，有音響就算，pay梗係唔好。」
【贏咕𠱸】
■阿B和兩女向假大笨象掟蕉，細女鍾幗初時見到巨型大象不敢行近。
摩天輪𠱁女
阿B那些年有入荔園拍拖嗎？他說：「以前成日想帶女仔上摩天輪，等佢驚乘機拖吓手。不過我多數同溫拿去，我哋仲喺嗰度識咗七小福。」熱愛家庭的阿B平日偶有帶囡囡入迪士尼，但他每次入場必成人肉佈景板令他卻步，但鍾懿和鍾幗都享受爹哋陪耍樂，鍾懿經常跟爸爸唱歌表演，兩人有首合唱歌《爸爸，我來了》吸納了一班婆婆粉絲。鍾懿有意長大當歌手，阿B順勢教女：「歌手要感動人或帶開心畀人，就算有唔開心情緒都唔可以表露出嚟。」
採訪：楊潔雯