海洋公園夏水禮由7月1日做到8月31日，今年搵嚟大受歡迎嘅LINE做crossover，Cony、Brown、Moon大家見得多，原來呢度係亞洲首個LINE主題嘅玩水派對，吸引一班LINE迷去朝聖呀！
今年夏水禮必玩之選，就係呢一條5米高嘅瘋狂滑水梯，望上去有成三層樓咁高，兩秒就瀡落嚟，速度同刺激感十足，令人欲罷不能想玩多幾次呀！
呢度有多個玩水設施，好似動感水韆鞦，超級大水桶等等，同一大班朋友嚟玩真係唔怕悶親！而最啱同friend狂歡，一定要數狂野泡泡派對！呢個泡泡池大概有半個排球場咁大，不定時會有裝置從上面噴出一大串泡泡，入面梗係要同朋友大混戰一番！
話明同LINE合作，玩水設施入面有好多LINE嘅公仔，最欣賞連比較冷門嘅James同Boss都有，真係自拍都影到手軟！仲未影夠？咁不如買番屋企影！
玩完之後可以去到Pop-up store，盡情買個夠本，當中有超過60款商品係第一次喺香港發售，LINE迷要準備大袋去掃貨喇！
今年夏水禮必玩之選，就係呢一條5米高嘅瘋狂滑水梯，望上去有成三層樓咁高，兩秒就瀡落嚟，速度同刺激感十足，令人欲罷不能想玩多幾次呀！
呢度有多個玩水設施，好似動感水韆鞦，超級大水桶等等，同一大班朋友嚟玩真係唔怕悶親！而最啱同friend狂歡，一定要數狂野泡泡派對！呢個泡泡池大概有半個排球場咁大，不定時會有裝置從上面噴出一大串泡泡，入面梗係要同朋友大混戰一番！
話明同LINE合作，玩水設施入面有好多LINE嘅公仔，最欣賞連比較冷門嘅James同Boss都有，真係自拍都影到手軟！仲未影夠？咁不如買番屋企影！
玩完之後可以去到Pop-up store，盡情買個夠本，當中有超過60款商品係第一次喺香港發售，LINE迷要準備大袋去掃貨喇！