過往福臨門發生不少轟動全城的娛樂新聞,如2008年11月,大劉因為兩女友呂麗君與陳凱韻(甘比)鬧出爭寵事件,當時甘比剛生下大女劉秀樺,大批傳媒在福臨門等候大劉出現採訪,混亂期間,有線娛樂台女記者拿咪衝前搶問:「劉生,係咪擺滿月酒?」怎知她手上的咪牌不慎扑中大劉塊臉,大劉即時扯火,捉着女記者的手破口大罵:「你知唔知,你撞到我呀...你知唔知扑親我塊臉呀!」連珠炮發大罵:「你有冇睇到扑到我塊臉呀!」大劉更激動得臉紅耳熱,最後搶過咪牌掉落地,再鬧:「黐線,你都真係...如果你想博影相就返屋企影,唔好攞支咪對住人!」
同年11月,小小超當年的女友梁洛施(Isabella)與英皇有合約官司,最後戲劇性地宣佈庭外和解,Isabella表示獲得解約金,但英皇卻聲稱沒有作過任何賠償,雙方各執一詞。李澤楷某晚罕有地現身福臨門出席飯局,雖拒談Isabella和英皇的官司糾紛,但卻罕有開腔不點名暗寸某人:「對官司我唔想批評,我只想講一樣嘢,我以為一啲坐過監同留過案底嘅人會改過自新,但而家擘大眼講大話。」全城譁然。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com