「佢哋（大陸人）好自私，唔會理其他人，例如貨架有20條廁紙，即使後面有人想買，佢哋會一次過買晒……」新型冠狀病毒肺炎疫情從中國蔓延至世界各地，類似情景亦在各地出現。澳洲超市貨物被搶購一空，有超市集團決定採取限購廁紙措施。有移民澳洲的港人歸咎搶購源於中國人的自私心態，疫情之初已到超市搶購物資寄返內地，如今澳洲本地人眼見疫情開始蔓延，人心惶惶下才出現搶購潮。
澳洲大型超市集團Woolworths前日公佈，每人每次交易限買4包廁紙，包括全國門市和網上購物。其他大型超市集團如Coles、Costco及Aldi昨日亦採取相類措施。
移民澳洲悉尼多年的港人張小姐（化名）向《蘋果》表示，自己所居住的地區有不少中國移民，自年初內地爆發疫情，這些專替大陸代購的中國人就開始搜購物資，令本地人無法買到口罩：「當時佢哋都係不問價錢狂搶口罩，搞到一個N95要10蚊（下同；約51港元）澳紙……最誇係有啲人100蚊（約510港元）賣50個口罩。」
張小姐指，澳洲開始出現疫情後，大陸人搶購完口罩，再到超市或者商店搶購糧食和物資，特別是近一星期，所有大型超市的廁紙和主糧都被人搶購一空：「依家廁紙、意粉都被人買晒，連衞生巾都無……大陸人仲去買好多麵粉，佢哋去華人舖頭買麵粉，多到連店員都問佢哋有無必要買咁多。」當地有商店原設限期內退款的服務，由於大陸人一次過買太多，商店直接取消退貨服務：「商店好驚過多一排無事，有人又退貨退錢，佢哋（大陸人）真係做得出。」
張小姐指，超市平日都不會太多人，近日出現搶購潮，人流特別多。眼見大陸人在店內瘋狂掃貨，張小姐坦言自己面對澳洲人時都感到丟架：「佢哋（澳洲人）唔識分大陸人同香港人，但我同澳洲人排隊畀錢，見到大陸人買超多嘢，我哋都覺得唔好意思。」張小姐指，過去大家都會冷靜對待疫情，不過澳洲後來開始出現疫情，加上澳洲人眼見超市物資越來越少，最終大家都出現恐慌，令搶購問題加劇。
張小姐指出，大陸移民過去多年將當地樓價推高，已讓許多人都不滿，今次有人狂搶物資，令不滿情緒升溫。但今次疫情卻出現一個意想不到的現象。張小姐指，澳洲有不少優質物資出口到中國，例如海鮮、肉類、蔬果等，就是澳洲近月竟能買到龍蝦，價錢更比以往平許多，無奈苦笑：「之前好難先見到街市有龍蝦鮑魚賣，今次（疫情）竟然令本地人可以食得起囉。」
《蘋果》記者
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com