洪國華（十一姨）今日設靈，上年家姐祥嫂洪金梅離世， 十一姨在靈堂上泯恩仇，與鄧兆尊幾兄弟姊妹送別祥嫂。
兆尊今日約7點抵達靈堂，與大婆Carmen前後腳，兆尊說今日專誠送阿姨最後一程：「佢由細睇到我大，我哋11、12歲第一次出埠，就係佢同婆婆帶我哋出去。」
當年家人不和，兆尊說如今沒有爭吵：「冇喇，大人嘅事之前都理唔到。」他又說不知道十一姨入院，所以未曾去過探病：「嗰時我跟緊第二啲嘢，細佬妹都冇話我知，記者同我講都好驚奇。」家人相繼離世，兆尊輕輕搖頭，說睇得好化：「我哋呢啲年紀，呢個月都嚟咗幾次，睇得好化。佢啲兄弟姊妹就難過啲，我哋後一輩感覺冇咁大。」會否更加珍惜兄弟姊妹？他說：「我不嬲都珍惜，不過你珍惜人，人未必就珍惜你。」
《蘋果》日前發現兆尊除了3C女友外，原來又有新歡，講到女友，兆尊說：「哎呀，避唔到添，適當嘅人去適當嘅場合。」他解釋Carmen與十一姨曾見面食飯：「同埋都要睇個人意願，有啲人怕死唔好逼佢。」他又說不擔心外出拍拖會染疫：「我冇話太大擔心，最緊要勤洗手，唔去咁多人地方就OK。」
至於新歡名字，原來亦離開不開「C」字命運，兆尊最初稱「冇咁橋啩…」但諗諗下又說：「唔係喎，佢都係C喎，佢姓陳嘅。」
採訪：羅慧敏
攝影：仇志德
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
來源 source: http://hk.entertainment.appledaily.com