【林鄭死亡之吻】抗疫騷總監強調冇接觸政府 許冠傑:笑罵由人 #林鄭 #許冠傑

武漢肺炎重創香港經濟,百業蕭條,身為特首的林鄭月娥一直堅拒封關,屢跟市民唱反調,政府部門防疫及紓困措施慢九拍,弄得香港人怨聲載道。跟歌神許冠傑(Sam ...




武漢肺炎重創香港經濟,百業蕭條,身為特首的林鄭月娥一直堅拒封關,屢跟市民唱反調,政府部門防疫及紓困措施慢九拍,弄得香港人怨聲載道。

跟歌神許冠傑(Sam)合作30多年的通利琴行工程部,在今次疫情下,全組21位員工被遣散,阿Sam獲悉後即私下先捐出25萬港元給這班手足解燃眉之急,雖然只是個小數目,但比起政府每人派一萬,出手已是十分闊綽。與此同時,阿Sam更在今日下午義務演出《2020許冠傑同舟共濟Online Concert》,為一班通利手足及香港人打氣,卻沒料到被林鄭抽水幫倒忙。

林鄭今日於facebook抽阿Sam水,大晒她與Sam大合照,留言表示自己屢次獲Sam邀請睇其演唱會,又謂:「今日大家先在網上欣賞阿Sam的歌聲啦,請特別記住《同舟共濟》中的這句歌詞:『香港是我家,怎捨得失去它。』」林鄭將阿Sam開騷光環套在自己身上,即時惹來網民鬧爆,以為阿Sam是站政府一方,聲稱要罷看阿Sam演唱會。

演唱會製作總監蕭潮順今日接受《蘋果》電話訪問,對於網民因為林鄭打氣而表示要罷睇,以為Sam是為政府出力,蕭潮順強調:「我哋絕對冇同任何一個政府部門接觸,阿Sam個騷只有三個初衷,第一,支持前通利手足,第二係為香港人打氣,第三就係唱俾全球阿Sam歌迷聽,就係咁簡單,阿Sam都有話對於啲人點諗,佢只有4個字回應,就係『笑罵由人』,佢亦唔會就呢件事再回應。」

阿Sam演唱會創作總監及司儀鄭丹瑞,亦疑不甘被林鄭騎劫,即時拍片放上網澄清,跟林鄭劃清界線,阿旦表示:「時間越近嘅時候,演唱會嘅反應我喺網上面見越嚟越墟冚,而且有好多爭議性睇法,既然有咁多爭議性睇法,我都係時候喺呢度代表許冠傑再一次講一講,佢做呢個Online Concert嘅初衷,《2020許冠傑同舟共濟Online concert》有三個初衷:第一個就係支持前通利琴行演唱會部門嗰班手足;二就係為所有抗疫嘅香港人打氣;第三就係唱畀全球,係咪許冠傑歌迷都好,我哋一齊唱許冠傑嘅歌,聽佢嘅歌。就係呢三個初衷啫,其他人有咩睇法,對唔住我控制唔到,我會繼續做好我哋自己呢個concert。」網民亦留言表示:「明白,只唱歌,不談政治。」、「冇請你呀auntie 7」。

-----------------------------

App內1-Click訂閱《蘋果動新聞》

按此了解更多

鄭丹瑞即時拍片放上網澄清(FB截圖)


(攝影:林賓尼、陳俊強)