【出少句聲當幫忙】林鄭月娥抽水出post叫大家捧許冠傑 網民:好事都變壞事 #林鄭 #許冠傑

因為武漢肺炎全球大流行,大家人心惶惶,經濟蕭條,歌神許冠傑(Sam)決定用歌聲給大家打氣送暖,他今日在尖沙嘴搞OnlineConcert,下午5時透過 ...




因為武漢肺炎全球大流行,大家人心惶惶,經濟蕭條,歌神許冠傑(Sam)決定用歌聲給大家打氣送暖,他今日在尖沙嘴搞Online Concert,下午5時透過YouTube頻道「健康·旦」讓世界各地歌迷可以欣賞到《2020許冠傑同舟共濟Online Concert》。Sam將在演唱會獻唱20首金曲,,主辦單位呼籲觀眾可在5時半在自己所在的地方,走到窗邊,走出露台,一同合唱許冠傑的三首金曲——《鐵塔凌雲》、《浪子心聲》、《同舟共濟》,希望透過合唱凝聚全球華人的精神力量,齊齊跨過疫境。

一直不肯封關的特首林鄭月娥,為了全港抗疫,呼籲巿民減少社交,減少外出,居家避疫,巿民到食肆也要嚴守「禁聚令」。林鄭今日也在FB中呼籲大家今午可以擔定凳仔聽Sam的網上演唱會,她火速抽水出post:「今日下午大家更有理由安坐家中同心抗疫了,因為歌神Sam Hui許冠傑舉行2020同舟共濟網上演唱會,為香港加油,同大家打氣。」

其實Sam和譚詠麟(阿倫)前年紅館開騷時,他們有邀請林鄭欣賞,她又到後台「集郵」,林鄭也再貼出這張大合照,她續說:「近年阿Sam再次在紅館開騷,我都獲邀出席,和過萬名fans欣賞他和阿倫的落力演出,有點和老友重聚的感覺。我認為粵語流行曲仍大有可為,而香港製作的高質素演唱會亦將會是我們經濟邁向復蘇的重要元素。我早前與演出業協會(PIA)見面時,就表示康樂及文化事務署會與協會商量,如何在疫情過後可以在場地安排和場租方面提供支援,讓演出業盡快恢復過來,希望由旦哥監製的許冠傑演唱會今年再在紅館舉行。今日大家先在網上欣賞阿Sam的歌聲啦,請特別記住《同舟共濟》中的這句歌詞:『香港是我家,怎捨得失去它。』」

網民對林鄭的抽水貼文,有人點讚,也有人派嬲,網民留言「大家當初呼籲2月封關,你咪一樣唔聽,醫護早就告知你,結果會係咁,你咪又係打算清算佢哋」、「係咪衰呢,你肯封關,黑警咪唔會中招囉」、「文盲先撐林鄭,原來係真㗎」)

資深傳媒人潘小濤不屑林鄭抽水出post,並在FB轉貼林鄭貼文後揶揄:「CS!(不用Click入去畀嬲嬲,在此po畀反應就可以)#群組聚集?」林鄭幫倒忙,網民留言鬧爆「見到個樣就唔想睇個post」、「阿X婆最鍾意追星,佢個年代呀嘛,同佢影過相都唔會有好結果。」、「原本因Sam Hui想香港好而想睇,但睇到咁嘅劃面,sorry!健康旦」、「777的出現,好事都變壞事」!

-----------------------------

App內1-Click訂閱《蘋果動新聞》

按此了解更多