「長腳蟹」呂慧儀向來是大家的開心果，即使面對老公出軌，都能以正面笑態度着面對。但有時佛都會有火，《蘋果》今日收到有幕後人員爆料，指長腳蟹今日在將軍澳電視城開廠拍《愛·回家之開心速遞》時，疑不滿「自己友」娛樂新聞台採訪太過頻密，當見到主播周佩婷（Angel）及攝製隊人員入廠，主播Angel又拋下一句：「你今日有乜講？」阿蟹即無名火起，用好晦氣的語氣說：「你知唔知我哋拍緊嘢㗎！」Angel與攝影師亦只好無癮離開錄影廠。
由於武漢肺炎疫情嚴峻，好多公開活動被迫取消，而娛樂新聞台在苦無對策下，惟有向公司藝員埋手，差不多每日都會派員落廠，看看有沒有劇正在開工。《愛·回家》現在一星期播足7日，自然日日都有人開工，據悉娛樂新聞的同事是在放午飯時段「博一博」，希望爭取到在開工前10分鐘進行採訪，怎料便被呂慧儀鬧到「一面屁」，同場還有「丹爺」劉丹和周嘉洛，當時其他人都不敢作聲，呂慧儀消氣後，最後亦有接受訪問。據悉無綫娛樂新聞台亦有了解事件，並曾向該主播作出訓示，希望部門之間增強溝通，盡量以不影響拍攝前題下進行採訪。
在未發生鬧人事件前，呂慧儀心情依然靚靚，昨日在IG Story貼上午飯相，見她一邊睇《愛·回家》，一邊食自家製意粉雞翼，她昨日接受傳媒訪問時表示：「公司安排我哋就照做，其他唔回應，唔好意思。」而主播周佩婷亦不敢多言，只說：「唔係咁大件事，解決咗，唔好意思。」然後便匆匆掛線。
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com